Rihapet dosja/ Si “ia futi” Hajdin Sejdia dhe Saliu Fatos Nanos dhe shqiptarëve

Firmat piramidale janë një nga plagët më të mëdha të shoqërisë shqiptare pas viteve '90.

Falimentimi i tyre u pasua me hapjen e depove të ushtrisë në vitin 1997, që u shoqëruan me shkrumbimin e zyrave të shtetit dhe humbjen e rreth tri mijë jetëve shqiptare.

Një ndër biznesmenët më famëkeq i cili erdhi nga Kosova në Shqipëri me firmën e tij piramidale "Ilira Holding" është Hajdin Sejdia.

Prokuroria e Përgjithshme ka hapur sërish dosjen e firmave piramidale të viteve 1992-1996, ku të përfshirë janë biznesmeni kosovar Sejdia dhe ish-kryeministri Sali Berisha.

Pamfleti thotë se viktima e parë e bashkëpunimit midis këtyre dy të fundit ishte Fatos Nano dhe Berisha me Sejdinë vendosën asgjësimin e tij politik përmes letrave korruptive që përgatiti Hajdini, në atë kohë kryekëshilltar ekonomiko-financiar i Nanos.

Gjithashtu në videon e publikuar nga Pamfleti thuhet:

Pasi ia futën Fatos Nanos, Berisha emëroi Hajdin Sejdinin si krye këshilltarin e tij ekonomiko-financiar në qeveri dhe presidencë, me të cilin sajuan dhe miratuan qindra VKM, ligje e urdhëra shtetërorë për të justifikuar plackitje sheshesh ndërtimi, lulishte, toka, pyje, bregdetin, lumenj, ndërmarrje shtetërore, dhe drejtësinë me kursin e plepave. Pasi e dekoroi Hajdin Sejdinë me medalje ari për ide të shquara dhe kontribute të mëdha në zhvillimin e kapitalizmit në Shqipëri, Sali Berisha që ia futi Fatos Nanos vendosi t'jua fusë edhe shqiptarëve duke aktivizuar H S që përveç firmës së tij piramidale hajdute "Iliria Holding" të niste krijimin e sistemit të firmave piramidale financiare në Tiranë, Korçë, Shkodër, Lushnje, Dibër, Berat, Tepelenë, Gjirokastër, Sarandë, FierVlorë, Kukës, Përmet, për të zhvatur financat pasuritë e shqiptarëve."

Prokuroria e Përgjithshme ka kërkuar shfuqizimin e amnistisë false e të dekretuar Berisha-Nano nënshkruar nga partitë politikë shqiptare në pazarin e 9 marsit 1997.

Rihapja e kësaj dosje synon të zbardhë të vërtetën e skenës kriminale Berisha-Sejdia me firmat piramidale financiare që çoi në shkatërrimin e vendit.

Biznesmeni Sejdia u largua nga Shqipëria në atë kohë dhe vazhdoi bizneset e tij edhe në Emiratet e Bashkuara, ku në vitin 2013 u shpall në kërkim ndërkombëtar dhe u arrestua në Morinë.

Por ai u lirua vetëm pak kohë më pas pasi gjykata në atë kohë vendosi që biznesmeni nuk i kishte asnjë detyrim Emirateve.

Megjithatë herë pas here janë bërë denoncime që Sejdia është rikthyer në tregun kosovar dhe atë shqiptar me kompani inekzistente. Ai sot është 65 vjeç dhe së bashku me bashkëshorten dhe djalin bëjnë një jetë superluksoze.