Edi Lika është pronari i kamionit i cili transportonte 9 makina, brenda të cilit gjendeshin edhe dy makinat e tipit “Toyota Yaris” ku u gjendën 3 milionë e 470 mijë euro dhe 80 franga.
Sekuestrimi i shumës së madhe parave u bë mbrëmjen e djeshme në portin e Durrësit.
Pronari i servisit të makinave, postonte rregullisht në profilin e tij në Facebook foto të makinave që ishin për t’u transportuar.
Ai ka postuar gjithashtu edhe foto të ngarkesës me makina që isht e nisur nga Belgjika.
Në përshkrim ai shpjegon se rruga kalonte nga Gjermania e më pas në Itali.
Para se automjetet të tregtoheshin, kamioni u ndalua dhe brenda makinave që gjendeshin brenda u sekuestruan 3.4 milion euro.
Lika është dënuar për veprën penale “Dhuna në familje” me 6 muaj burg dhe sipas deklaratës të deputetit të PD Ervin Salianji paraditen e sotme, ai nuk ka kryer asnjë ditë burg pasi kishte mbrojtjen e policisë.
