Tha se nuk i kishte sharë shqiptarët, por ja çfarë e gjen Sfakianakis sapo kthehet në Greqi

Koncerti i këngëtarit grek Notis Sfakianakis në Shqipëri hapi shumë debate, ndërsa këngëtarët shqiptarë kërkuan që spektatorët të mos shkonin në koncertin e tij për shkak të deklaratave raciste që ai kishte dhënë dikur.

Sfakianakis dikur ka qenë pjesë e ‘Agimit të Artë’ dhe bënte thirrje kundër shqiptarëve duke i cilësuar ata si racë inferiore dhe kokë palarë.

Mirëpo gjatë koncertit të tij në Shqipëri ai i mohoi të gjitha këto dhe madje tha se çdo gjë ishte manipuluar nga mediat dhe se ai kurrë nuk ka sharë popullin tonë.

Madje në një intervistë për Top Channel ai ka folur dhe shqip duke thënë:

Nuk i kam thënë kurrë këto fjalë. Mediat më kanë manipuluar. Dhe diçka tjetër, fakti që këtu jemi në Iliri kjo i thotë të gjitha(greqisht). Ju dua shumë, ju pres në Pallatin e Kongreseve(shqip)".

Mirëpo deklaratat e ndryshme që ai bëri në Shqipëri ku dhe i cilësoi Ilirët si një komb të lashtë dhe me histori kanë shkaktuar shumë debate dhe zemërim tek bashkëkombasit e tij.

Jo vetëm kaq por një kolegu i tij me të cilin kishte bërë bashkëpunime e ka ndaluar të këndojë këngët e tij.

Giorgos Moukidis ka shkruar në Facebook:

Ndalohet shfaqja publike e këngëve të mija nga ana juaj zoti Notis Sfakianakis. Me një urdhër që do të publikohet në ditët në vazhdim unë e ndalojë shfaqjen publike të këngëve të mija nga këngëtari Notis Sfakianakis."

Ai nuk ka sqaruar arsyet se përse mori këtë vendim, por shumë media greke kanë aluduar se arsyet janë deklaratat që Noti bëri në Shqipëri.