Alketa Vejsiu flet për bashkëshortin: Mora një nga çunat më king të Vlorës

Ajo njihet si një ndër personazhet më të rezervuar për sa i përket jetës private, mirëpo herë pas here e ka deklaruar se sa shumë e dashuruar është me bashkëshortin dhe dy fëmijët e saj.

Alketa Vejsiu, e njohur si një ndër moderatoret më të dashura në Shqipëri është prej vitesh pjesë e pandashme e ekranit.

Megjithatë së fundmi ajo ka bërë disa përjashtime të vogla, siç ishte javën e kaluar kur prezantoi fëmijët, të cilët i kishte në auditorin e "Piter Pan".

Por në një intervistë në "Mos i fol shoferit" të Rudina Dembacaj, e cila ishte po ashtu pjesë e " Në kurthin e Piter Pan", Alketa ka treguar se si është dashuruar me bashkëshortin e saj.

Për herë të parë ajo tregoi:

Sytë, nga sytë filloi gjithçka, se i ka blu, dhe jam shumë e kënaqur që ia trashëguar edhe Nikit. Them që kam marrë një nga çunat më king të Vlorës, se është me origjinë nga Vlora, jam me fat sepse është një lidhje që ka kompatibilitet, mirëkuptim, respekt. Ne të dy jemi një skuadër e mirë."

Ndërsa marrëdhënien me vjehrrën, moderatorja e quajti të mrekullueshme duke u shprehur se vajzat e zgjuara duhet ta konsiderojnë vjehrrën si njeriun që i ka lindur djalin që dashurojnë.

Ajo tha:

I kam të mrekullueshme marrëdhëniet me vjehrrën. Unë mendoj që çdo vajzë e mençur duhet patjetër vjehrrën ta konsideroj si njeriun dhe gruan e mrekullueshme që i ka lindur djalin që dashuron. Kur vjehrra të qëllon e mirë dhe të konsideron si vajzën e shtëpisë sepse ti ke vërtet në dorë lumturinë e djalit, atëherë ky është fat. Unë këtë fat e kam."