“Një shqiptar i njohur më nofkën “2gunz”, i cili përdorte Facebookun për të ndihmuar bashkatdhetarët e tij që të vidhnin në Britaninë e Madhe- përqeshte autoritetet duke filmuar veten teksa konsumonte hashash dhe këndonte nga burgu”, kështu e hap “Daily Mail” artikullin për shqiptarin Fari Lleshi.
Fari Lleshi është nga Kukësi dhe ai është bërë i famshëm në Facebook me anë të një faqeje me anë të së cilës ndihmonte shokët e tij që të vidhnin ilegalisht në Britani.
Faqja e tij quhej “Shqiptarët në Londër” dhe kishe më shumë se 70.000 ndjekës.
Por edhe pasi ka përfunduar në burg, Fariu ka vazhduar të jetë prezent në rrjetet sociale falë videove që hedh nga qelia e tij, por faqja e tij në Instagram u mbyll pas denoncimit nga mediat angleze.
Video duke pirë marijuanë, përplasje, sherre dhe madje kërcënime janë “temat” që Lleshi postonte rregullisht në Facebook dhe Instagram, ku e shikonin mijëra vetë.
Fari Lleshi ka hyrë në Britani me anë të një kamioni dhe që atëherë ka filmuar veten duke e mburrur se si ua kishte hedhur policëve.
Në postimet e tjera ai shihet teksa i këndon të dashurës së tij një këngë rap, puth drejt kamerës, konsmunon pije energjike, vallëzon me të burgosurit dhe pi duhan.
Mbështetësit e tij i dërgojnë mesazhe adhuruese teksa ai shfaqet live, shpesh duke bërë edhe thirrje që të lirohet.
Fari Lleshi, 29-vjeç, megjithëse nuk është shumë i njohur në botën e muzikës mediat britanike i referohen si reper.
Ai është dënuar me 3 vite burg në burgun e Guys Marsh në Dorset, për trajtimin e drogës së klasit A.
Lleshi është në të njëjtin burg nga ku në vitin 2016 të tjerë shqiptarë kanë postuar foto duke pirë alkool dhe drogë.
Lleshi gjithashtu tregon se si po krijon një album të ri nga burgu për të cilin ai tashmë ka përfunduar dy këngë. Në një video tjetër, ai flet për një grua të re që e ndjek atë në Instagram.
