Shpenzon 217 mijë euro për tu dukur si karikatura e vetes

Një grua nga Anglia pushtoi titujt e gjithë mediave në botë pasi harxhoi me mijëra euro për të realizuar ëndrrën e saj: të dukej si një karikaturë.

Krystina Butel u fiksua pas një karikature që i bënë në Ibiza kur ajo ishte vetëm 15 vjeçe. Që prej atëherë ajo ka dashur që të duket pikërisht ashtu edhe në realitet.

Ajo shprehet:

Unë në karikaturë dukesha me gjoks të mëdhenj si topa plazhi, me buzë të trasha dhe bel të hollë. Isha xheloze për pamjen në karikaturë dhe në atë moment e kuptova se çfarë doja në jetë".

Ajo ka realizuar 5 ndërhyrje në gjoks, dy ndërhyrje në hundë, botox, fillers, injeksion në buzë, makeup gjysëm të përhershëm, injeksione ilegale për ngjyrosje të lëkurës dhe si përfundim dizenjoi me operacion edhe vaginën e saj të njohur si labiaplasty.

Krystina planifikon që të vazhdojë me operacionet, të bëjë edhe minimumi 3 operacione të tjera.

Një ndër operacionet e saj të çuditshme, janë thithkat e gjoksit të bëra në formë zemre.