Një ngjarje e rëndë ka ndodhur në varrezat e Sharrës, këtë fundjavë, duke shtuar edhe më shumë dhimbjen e familjarëve që po përcillnin të afërmin e tyre të ndjerë.
Mësohet se të dielën, në varreza po zhvillohej një ceremoni mortore, në të cilën ishin të pranishëm edhe punonjësit e Bashkisë, që ndihmojnë në këto raste për të futur arkivolin në gropë.
Sipas“ShkodraNews”, ata janë treguar të pakujdesshëm dhe kanë shkaktuar një incident të rëndë për të pranishmit, sidomos për familjen e të ndjerit.
Në momentin që po ngrinin arkivolin, litari është këputur dhe trupi i të ndjerit ka dalë nga arkivoli duke rënë përmbys në baltë.
Të traumatizuar dhe të pataksur, të afërmit e të ndjerit janë munduar ta vendosin sërish trupin në arkivol.
