Teksa në Tiranë të gjitha parkimet u bënë me pagesë duke pësuar edhe rritje çmimi, një risi ishte edhe parkimi me anë të një mesazhi, ku shumë qytetarë filluan ankesat pasi sistemi nuk funksiononte dhe sërish merrnin gjobë edhe pse kishin parkuar me sms.
Të gjesh një vend parkimi në kryeqytet duket sikur është mision i pamundur, ku deri dje ndoshta i vetmi vend ku parkimin e kishte të sigurtë ishte pranë banesës, sot edhe rrugët e lagjeve janë bërë me pagesë.
Në mes të Tiranës, pranë Fakultetit Juridik, ashtu si në disa lagje tjera është vënë tabela e cila lexon: Parking publik me pagesë 40 lekë ora.
Mirëpo para se të bëjë me pagesë çdo vend parkimi të mundshëm, a nuk do ishte mirë që Bashkia e Tiranës të hartonte dhe të aplikonte një plan rregullues për parkingjet duke qenë se është problem i kudo hasur brenda metropolit tonë të vogël?
Ndarja në katër zona parkimi me pagesë, siç theksonte këshilltarja e Veliajt, Eglantina Zërë, në një intervistë nuk shtë zgjidhje.
Zëre thoshte gjithashtu:
Kujtojmë që vetëm atë vitit 2017, në të gjitha sheshet Eco-Parking në Tiranë, janë shitur rreth 574 mijë bileta parkimi, ku peshën më të madhe e mban parkingu nëntokësor nën Sheshin “Skënderbej”.
Që prej inaugurimit, në Qershor të vitit 2017, në këtë parking janë shitur mbi 137 mijë bileta parkimi. Vetëm gjatë muajit Dhjetor, për shkak të festave të fundvitit që rritën vizitat në kryeqytet, ky shesh parkimi shiti 41,428 bileta që po të përkthehet në para kap shifrën e 90 milionë lekëve, sigurisht duke e llogaritur me një faturim minimal.
Por, ku shkojnë gjithë këto para?! E kujt i intereson, të gjithë e kemi mendjen ku të parkojmë makinën tani...
