Aksidenti që ndodhi tre ditë më parë në Velipojë të Shkodrës ka shuar një familje të tërë, ndërsa vetëm nëna i ka shpëtuar tragjedisë.
Babai Edmond Preka dhe dy fëmijët humbën jetën direkt në aksident, ndërsa vajza 10-vjeçare Noemi ka ndërruar jetë ditën e sotme pas qëndrimit në koma.
Ndër të parët që kanë shkuar në vendngjarje ishte infermierja e Qendrës Shëndetësore të Velipojës, Vjollca Pacaj, e cila ka treguar tmerrin që i kanë parë sytë.
Pacaj rrëfeu se mbrëmjen e së dielës nuk do ta harrojë kurrë ndërsa tha se ishte tronditur kur pa dy vajzat e shtrira në tokë, nënën e gjakosur, babanë dhe djalin e mitur që kishin ndërruar jetë në vend.
Ajo tha për News 24:
Në momentin që kam shku me ndal makinën kam parë të shoqen…duke bërtitur ku janë fëmijët. Kam hapur urgjencën i kam bërë një adrenalinë se s’disha ça me i bo në atë moment, se ishte e lame në gjak. Në momentin që u ktheva kam parë të tre fmijt, dy vajzat kanë kenë njëra pas tjetrës përmbys në tokë. Qyshse i kam bo adrenalinën të shoqes, Mondi ka ken i vdekun, i bam dysh. Kam bërtit me të madhe aman hajde më ndihmoni me marr fmijt. Ka ardh një djalë dhe më ka ndihmuar, ka marrë vajzën. Në momentin që kam kap vajzën e kam parë që nuk ishte mirë, i kam vu qaforen në qafë dhe e këna vu në ambulancë. Kena vu dy vajzat në ambulancë, kurse djali i vogël kur e kam marrë në dorë ka kenë i mbarum. Ambulanca ka ardhur gati me mua. Ne si Veloipojë e kemi ambulancën e lodhun, s’kemi oskigjen absolutisht. Unë bëj thirrje në emën të gjithë stafit, në emën të gjithë Velipojës, të gjithëve, kryeministrit, ministrit të Shëndetësisë, aman një ambulancë, një ambulancë sepse Velipoja është shumë e madhe."
