U vra para 7 muajsh nga ish e dashura e tij në dhomën e hotelit, por aktori i njohur turk nuk pati mundësi të shihte të birin.
Djali i Vatan Şaşmaz ka ardhur në jetë ditën e sotme nga bashkëshortja e aktorit.
Mësohet se ajo e ka quajtur vogëlushin Asil Vatan Şaşmaz, në nderim të të atit.
Theksojmë se aktori u vra nga ish e dashura pikërisht për faktin se do të bëhej baba.
Në muajin gusht të vitit 2017, ata patën një zënkë dhe modelja Filiz Aker ndoqi aktorin deri në dhomën e hotelit dhe e ekzekutoi me armë zjarri.
Şaşmaz ndërroi jetë në moshën 43-vjeçare, ndërsa ish-modelja vrau edhe veten.