“Bac, u kry”!/ Ja kush qëndron pas sloganit legjendar me figurën e komandantit të UÇK-së

“Bac, u kry!” padyshim që është një prej sloganeve më të famshme që shënjon pavarësinë e Kosovës.

Sipër shkrimit qëndron imazhi i Adem Jasharit, komandanti i paharruar i UÇK-së, i cili në luftë për mbrojtjen e Kosovës u shua me gjithë familjen e tij nga ushtria serbe.

Nesër bëhen 10 vite që shqiptarët e Kosovës manifestojnë me këtë logo legjendare, por a e dini se kush janë ideatorët dhe krijuesit e saj?

Se kush janë djemtë ideues të këtij slogani e ka zbuluar njëri prej tyre, aktivisti Krenar Gashi ka shkruar në Facebook:

Para një dekade, Muhamet Jashanica, Besnik Nuli edhe unë, mezi patëm mbërri me e vendosë, në shesh, një pano me sloganin tonë të Pavarësisë. Brenda pak orëve slogan nuk ishte më i yni.”

3 ideatorët e këtij slogani e quajnë atë të lirë për t’u përdorur, por pa ndërhyrë në të dhe pa u përdorur për qëllime biznesi.