“A ke Perëndi?”/Fieraku pret me këmbët e para Ramën, të bërtitura në mes të sheshit

Mbrëmjen e djeshme kryeministri Edi Rama duket se e ka kaluar në qytetin e Fierit, ku bashkë me kryetarin socialist të kësaj bashkie, kanë folur për zgjerimin e lumit Gjanica si dhe për shëtitoren.

Teksa kreu i qeverisë ishte për "inspektim" në afërsi të banesave të prishura, një nga banorët ka qenë ai që i ka prishur vëzhgimin, duke i bërtitur e ulëritur në mes të njerëzve.

Në ajër dëgjohet zëri i burrit:

Çfarë po bën? A keni Perëndi, a s’keni?”.

Dhe më pas të gjitha kamerat kthehen nga ai. Vetë Rama e thërret që të afrohet dhe pasi bisedojnë pak, largohet.

Në përfundim, fieraku, sërish i mërzitur në maksimum, flet para mikrofonit të BalkanWeb.

Ai thotë:

Ma preu shkurt "Po ke dokumenta, mirë. Po nuk ke do prishet”. Mirë që më priti se i kam dërguar 100 telegrame e s’më ka kthyer përgjigje".

Gjatë bisedës me kryeministrin fieraku i tha se duan t’i prishin shtëpinë që e ka pranë Gjanicës, për të cilën thotë se hipoteka i ka zhdukur dokumentet.