Ka studiuar për juridik por Shkënda Lili duket se braktisur profesionin për tu bërë ndër të parat dedektive private në Shqipëri.
Ajo thotë se nuk është e vështirë për t'u përfunduar si shkollë, por jo çdokush mund ta bëjë si profesion.
E ftuar në "Rreze dielli" për të folur mbi profesionin e detektivit privat, bukuroshja ka rrëfyër se është një punë që e bën me kënaqësi.
1 prej rasteve të investiguara është ai i prindit që kërkon të dijë më shumë për fëmijën e tij pasi ata vetë nuk kanë kohë sepse janë shumë të fokusuar në punën e tyre.
Por sipas Shkëndës, as tradhëtitë bashkëshortore nuk mbesin pas:
Kur dikush është interesuar për të investiguar dikë në lidhje me tradhtinë bashkëshortore, krijojmë një takim ku tregohet i gjithë historiku.Unë tregoj gjithë kushtet dhe pagesën,dhe nëse biem dakord bëjmë një kontratë.
Unë i bëj me dije që kohëzgjatja është 2 javë, por jo gjithmonë ka tradhti.
Kryesorja në këtë profesionështë ruajtja e sekretit. Interesante është se ka raste kur vetë klienti e nxjerr sekretin.
Në këtë rast kontrata prishet dhe detektivi dëmshpërblehet sipas një pagese të paracaktuar në kontratë. Çështjet që mund të hetohen janë të shumta.
Njerëz të humbur, profil biznesi , gjetje adrese, por e rëndësishme është që gjithmonë ruhet privatësia.
Detektivët investigojnë vetëm në ambiente publike. Kjo punë mbart një lloj rreziku, ndaj dhe personat që duan ta ndërmarrin këtë profesion duhet të mendohen mirë", tregoi detektivja.
