
Policia britanike ka mbyllur hetimet për vrasjen e 25-vjeçarit me origjinë nga Somalia, Khader Saleh.
Personi që akuzohet për vrasjen e tij është 20-vjeçari shqiptar Enton Marku.
Vrasja ka ndodhur në burgun e "Wormwood Scrubs" ku gjendej i burgosur edhe shqiptari.
25-vjeçari është sulmuar nga 3 persona, Marku dhe dy miqtë e tij 21-vjeçarë Ahmed Khyre dhe Kalif Dibbassey, të cilët ndanin të njëjtën qeli.
Mediat britanike shkruajnë me burime të policisë, se vrasësi i somalezit është 20-vjeçari shqiptar, i cili e ka masakruar me thikë në qelinë e tij.
Saleh u gjet me plagë të rënda në qafë, shpinë dhe fyt në qelinë e shqiptarit dhe dy të burgosurve të tjerë.
Mendohet se arsyeja e vdekjes së tij janë hesapet e palara midis bandave të rrugës në Londër.