Ka tërhequr vëmendjen e të gjithëve pas lidhjes me aktorin indian, por modelja Ilda Kroni ka rrëfyer të gjitha prapaskenat e historisë së tyre.
Partneri i saj, Ashish Kapoor është gjithashtu vëllai i aktorit kryesor të një prej telenovelave më të dashura për gjithë shqiptarët, “Sarasvatichandra”.
Në një intervistë për “Gazeta Shqiptare”, modelja ka rrëfyer edhe për reagimin e prindërve të saj, kur mësuan për marrëdhënien me aktorin.
Ilda na tregon se si është të jesh pjesë e një tjetër kulture ndryshe nga e jona.
Prej disa muajsh tashmë bëri bujë lidhja juaj me aktorin indian. Si u njohët? Si lindi gjithçka?
Po, me Ashishin jemi njohur në një event nëpërmjet miqve të përbashkët, ku të gjithë darkuam së bashku. Gjatë darkës, mes meje dhe Ashishit kishte një tërheqje interesante. Ai ishte momenti kur gjithçka filloi.
Si e pritën prindërit tuaj lidhjen me aktorin indian? Kishin paragjykime apo mospëlqim?
Prindërit dinin çdo detaj që nga fillimi. Ata gjithmonë më mbështesin dhe besojnë në zgjedhjet e mia. Ashishi që në momentet e para ka folur me ta dhe tani janë shumë të lidhur.
I keni takuar prindërit e Kapoor? Si ishin ndjesitë e njohjes të një kulture ndryshe nga ajo që jeni rritur?
Po i kam takuar dhe sidomos me mamin e tij kam një lidhje shumë të veçantë. Kultura është shumë ndryshe nga ajo që unë jam rritur, por jam person që më pëlqen të mësoj kultura të reja. Në këtë mënyrë mëson më shumë gjëra të mrekullueshme për botën dhe “rritesh” shpirtërisht.
Në një nga intervistat e mëparshme Kapoor tha që ju dini të gatuani shumë mirë. A ka provuar ndonjë nga gjellët shqiptare? Ka ndonjë të preferuar?
Ashishit i pëlqejnë të gjitha gjellët, por në veçanti pëlqen më shumë gjellën më perime të mbushura, me kimë dhe oriz plus bakllavanë.
