Sheshi Omonia, Athinë.
Një shqiptar i ka dhënë fund jetës në mënyrë tragjike mëngjesin e sotëm, në sheshin Omonia të Athinës.
Nga mediat e huaja bëhet me dije se shqiptari është hedhur nga kati i 5-të i një hoteli, ndërsa me vete mbante një çantë të mbushur me para.
Edhe pse viktima nuk kishte mjet identifikimi me vete, policia greke njofton se bëhet fjalë për një shtetas shqiptar, i cili kishte hyrë me shpejtësi në hotel, teksa as recepsionisti nuk ka mundur ta ndalojë për t’i hipur ashensorit.
Nga punonjësit e hotelit është njoftuar menjëherë policia, por pa mundur ta parandalojë ngjarjen e rëndë, pasi kur uniformat blu kanë mbërritur shqiptari u gjet i pa jetë në tokë.
