“Ishte me nota të shkëlqyera, ne s’e dinim që…”, fqinja e 21-vjeçares flet për lidhjen që kishte me infermierin

Krimi i pasionit ku mbetën të vdekur dy të rinj ka tronditur sot Tiranën.

Viktimë e kësaj ngjarje mbeti 21-vjeçarja Ariela Murati nga Zharrëza e Fierit. Ajo u qëllua me 5 plumba nga studenti i Infermierisë 23-vjeçari Aldison Beluli.

Ngjarja e rëndë ndodhi paraditen e sotme pranë Fakultetit të Mjekësisë dhe i shkaktoi trauma të gjithë të pranishmëve në momentin e vrasjes.

Beluli qëlloi fillimisht mbi vajzën e më pas mbi veten.

Shkaku që i mori jetën të resë ishte kërkesa për lidhje nga ana e djalit, por e refuzuar nga ana e saj. Autori pasi ka qëlluar me 5 plumba ndaj Ariela Muratit ka plagosur edhe veten.

Në banesën e të ndjerës në Fier nuk ka asnjeri, pasi të afërmit e saj janë nisur në Tiranë.

Fqinja e Ariela Muratit, Klodjana Tupa thotë se e ndjera ishte me nota të mira dhe nuk di të ketë pasur ndonjë lidhje. Ajo shprehet se nuk e njeh 23-vjecarin dhe sot ka mësuar që ata kanë qenë në një gjimnaz bashkë në Fier.

Ajo është shprehur për “BW” se:

Vajzat tona ishin shoqe me të ndjerën sepse janë rritur bashkë. Gjimnazin e kanë bërë bashkë këtu në Zharrëz. Edhe djali ishte nga Zharrëza. Unë sot e mora vesh që ishte djali ishte nga Zharrëza se unë nuk e njihja. Vajza ishte me nota shumë të mira. Ne nuk kishim dëgjuar për marrëdhënien tyre dhe sot e kemi marrë vesh. Ne dhe me mamanë e vajzës jemi shoqe dhe ajo nuk na ka thënë gjë”.