Në çdo cep të vendit tonë duket se ka raste të tmerrshme dhe ekstreme të varfërisë dhe familje që luftojnë për të mbajtur frymën gjallë. Me historinë e dhimbshme të një familje nga Fieri ku mungon prezenca e mashkullit, jemi njohur ditën e sotme.
Bëhet fjalë për një vajzë, e cila në moshë të re u përdhunua. Ishte vetëm 13 vjeçe kur mori traumën e parë dhe më pas u dërgua në Itali, ku punoi për disa vite si punonjëse seksi. Si pasojë e marrëdhënieve jo të mbrojtura seksuale, erdhën në jetë dy fëmijë.
Vajza ka treguar në emisionin "Me zemër të hapur", se nuk e di se cilët janë baballarët e fëmijëve të saj, ndërsa sot ajo ndodhet në gjendje të rënduar psikologjike, e shtrirë në shtrat dhe pa asnjë mundësi për t'u kujdesur për të vegjlit, vajzë e djalë.
Për fëmijët e mitur të së resë, e cila nuk është identifikuar, kujdeset e ëma, Dallëndyshja 54-vjeçare.
Ajo është e verbër dhe e vetmja gjë që kërkon në emision është një sy që të mund të shikojë fëmijët dhe t'i rrisë ata, të mos i lejë rrugëve.
Dallëndyshja shprehet:
Ajo ka rrëfyer ndër të tjera edhe marrëdhënien me bashkëshortin, me të cilin ka vite që nuk jeton, por që nuk kanë kryer divorcin.
Gruaja shprehet se ai nuk është kujdesur kurrë për të dhe të bijën, e madje, e bija thotë se po të kishte baba nuk do të ishte katandisur në këtë gjendje.
