Alarmi, se sëmundja e fruthit është rikthyer sërish në vendin tonë pas shumë vitesh, ka rënë. Të paktën 11 raste janë regjistruar deri më tani në pavionin e Pediatrisë Infektive në QSUT ku janë shtruar 11 fëmijë të prekur.
Institucionet shtetërore ende nuk kanë dalë me një deklaratë zyrtare lidhur me këtë sëmundje dhe ende nuk dihen shifrat e sakta të të prekurve.
Por, ajo që pritet të mësohet është nëse kjo është një situatë epidemie apo jo. Lidhur me këtë nga Instituti i Shëndetit Publik thuhet se po priten rezultatet.
Të paktën kështu kanë deklaruar dhe burime nga Ministria e Shëndetësisë e Mbrojtjes Sociale pyetur nga “Gazeta Shqiptare”.
Sipas tyre, specialistët e ISHP-së po monitorojnë situatën e së shpejti do të ketë një raport përfundimtar mbi situatën.
Ndërkohë që mjekët e pediatrisë në Qendrën Spitalore Universitare “Nënë Tereza” nuk pranojnë të prononcohen mbi numrin e fëmijëve të prekur nga fruthi e vijimësinë e rasteve të sëmura.
Kjo është një tjetër situatë kaotike ku nuk ka asnjë shprehje zyrtare nëse ka apo jo epidemi e në rast epidemie vaksinimi është totalisht i palejuar sepse mund të sjellë edhe vdekje të foshnjeve.
Nga ana tjetër vjen edhe reagimi i familjarëve, të cilët pohojnë situatën:
