Një burrë i moshës 82-vjeçare ka ndërruar jetë pasi një hajdut e dhunoi dhe i vodhi byzylykun e florinjtë dhe orën.
Ahmet Dobran u sulmua verën që lamë pas, nga tre persona, të cilët e qëlluan në qafë dhe në krahë. Ata u filmuan nga kamerat e sigurisë së ambienteve rreth vendit ku ndodhi ngjarja, duke qeshur me të moshuarin.
Viktima ndërroi jetë në spital ditën e hënë në mëngjes. I moshuari mori plagë të shumta në të gjithë trupin pasi u dhunua keq nga të rinjtë. Si pasojë e dhunës së ushtruar mbi të, i moshuari ndenji në gjendje kome prej muajit gusht deri në janar.
Ai u dërgua në shtëpi dhe një infermiere nisi të kujdesej për Ahmetin, por për shkak se më parë vuante nga parkinstoni, gjendja e tij shëndetësore u përkeqësua dhe një atak kardiak ishte ai që i mori jetën.
Pas sulmit, familjarët shpërndanë në rrjetet sociale foto të Dobran, ku burri duket duke dhënë shpirt në spital, ndërsa një oficer policie i ka përshkruar këto dëmtime si më të këqijat që ka parë ndonjëherë deri më tani.
Familjarët kërkojnë që të identifikohen autorët dhe të vendosen para përgjegjësisë.
