Euro, objekte seksi dhe tavolina/ “Qytetet ku është më i përhapur prostitucioni në Shqipëri”

Skerdi Kasimati, shef i sektorit kundër trafiqeve në Policinë e Tiranës flet për një fenomen që policia e ka nën kontroll, por gazetari i kronikës, Armand Bajrami referuar rasteve në Gjykatën e Tiranës thotë se ky fenomen sa vjen e bëhet më i përhapur.

Sipas tij, rastet që polica kap, janë ato të prostitutave “low cost”, ndërsa prostitutat e luksit për të cilat paguhet edhe deri në 1 mijë euro në natë, është vështirë të bien në rrjetën e policisë.

Kasimati u shpreh:

Që nga 2015 trendi është gati mesatar. Veprimtaria është e përqendruar në qytete të mëdha si Tirana, Durrësi e Vlora. Ka hotele që ofrojnë prostitucion, mund të jenë në qendër por edhe në periferi. Është fenomen që e kemi në kontroll”.

Ndërkohë, gazetari Bajrami tha:

Fenomeni është mjaftueshëm i përhapur në Tiranë, nuk më duket nën kontroll nga Policia e Shtetit. Në gjyq bien në rrjetën e polcisë prostitutat low cost. Kemi edhe prostituta që paguhen deri në 1 mijë euro në natë, por ato vështirë se kapen”.

E për tu vënë në kontakt me një prostitutë, Bajrami thotë se është fare e thjeshtë.

Ai shtoi:

Mjafton një kontak me shoferët e taksive por edhe me recepsionistë hotelesh”.