iPhone 8 po shitet më pak se iPhone 7, eksperti jep dy arsye për fenomenin e papritur

Para një muaji, "Apple" prezantoi me shumë bujë tre modelet më të fundit të celularëve të tij inteligjentë, iPhone 8, iPhone 8 Plus dhe iPhone X, por deri tani nuk ka arritur suksesin që kishte parashikuar.

Problemi, më saktë, është tek iPhone 8, që nuk po shitet sa paraardhësi i tij, iPhone 7. Krahasimi bëhet duke marrë për bazë të njëjtën periudhë të vitit.

Ndryshe nga vitet e mëparshme, kur çdo produkt i ri në dy muajt e parë ka pasur shitje të papara, iPhone 8 nuk ka rezultuar me sukses.

Shumë konsumatorë janë duke blerë iPhone 7 në vend të iPhone 8. Arsyeja e parë është se iPhone 8 nuk ka aq shumë risi nga modeli para tij”, – ka deklaruar analisti i KeyBanc. "Arsyeja e dytë është se konsumatorët janë duke pritur për modelin iPhone X dhe kjo ka bërë që të harrohet iPhone 8".

Sa kushton iPhone X, manifestimi i 10-vjetorit të kompanisë? Plot 999 dollarë! E blini dot? Sigurisht, veshkën për çfarë e keni?! Sa keq që kjo histori nuk po përfundon kurrë. /JOQ.al