Kryeministri Edi Rama sot ka prezantuar kabinetin e qeverisë së re në këtë mandat të tij të dytë. Por, ajo që është zëvendësuesja e tij, duket të mos jetë dhe aq shumë elokuente apo e mirëformuar gjuhësisht sa të paktën vetë Rama.
Zv. kryeministrja e re e Shqipërisë, Senida Mesi, në një dalje të sajën në transmetim live gjatë zgjedhjeve të 25 qershorit lë shumë për të dëshiruar në formulimin e fjalëve apo edhe dialektizmave. Por, ajo që të lë pa mend është gjuha me të cilën zv.kryeministrja në detyrë, dy muaj më parë i drejtohej komunitetit egjiptianë.
Vetëm në vendin tonë mund të zgjidhet njv zv.kryeministre, e cila nuk ja ka idenë e komuniteteve dhe pakicave të individëve që përbëjnë popullsinë e Shqipërisë, por u drejtohet atyre me një zhargon si të ishte duke pirë kafe me miqtë e saj në lagje.
Senida Mesi do ketë detyrën e vështirë të zëvendësojë Niko Peleshin, që dukej i pazëvendësueshëm në krah të Ramës.
Zonja Mesi që e zëvendëson është 40 vjeç dhe ka përfunduar studimet për ekonomi. Ajo u zgjodh deputete e Shkodrës në zgjedhjet e 25 qershorit, ndërkohë në politikë është futur në vitin 2015. Videoja më poshtë, tregon se zonjës Mesi do i duhet edhe pak kohë të mësohet me gjuhën politikisht korrekte. Videoja është marrë nga emisioni Dritare me Rudina Xhungën.
