Plazhit të Gjipesë i del pronari: Më kërkuan lekë edhe kur rrinim tek shkëmbinjtë

Dihet që jugu në Shqipëri ka plazhet më të bukura në vend dhe se një pjesë e madhe e turistëve, si shqiptarë dhe të huaj, gjatë këtij sezoni dynden për të pushuar në këto mrekulli që na ka ofruar natyra dhe ne kemi vënë dorën tonë për ta shkatërruar deri në një farë pike.

I tillë është edhe plazhi i Gjipesë, një ndër plazhet më të virgjëra dhe ndër më të vështirat për t'u aksesuar, për shkak të infrastrukturës së dobët rrugore. Megjithatë, duket se edhe kësaj toke i ka dalë pronari dhe duhet të paguash për të bërë plazh në këtë vend.

Kështu, një djalë i ri ka vendosur të vizitojë për disa orë këtë vend, por është hasur me një situatë që nuk i ka pëlqyer aspak. Ai thotë se u surprizua kur vuri re që i gjithë plazhi ishte kthyer në tokë private.

Shkuam familjarisht për një vizitë disa orëshe në Gjipe. U surprizuam kur pamë se na qenkësh kthyer e gjitha në një pronë private. Sipër atyre kashtoreve të vendosura krah shkëmbinjve ishte improvizuar një kosh i madh plehrash m e një erë që të kuntërbonte. Disa djem vinin dhe kërkonin pagesë edhe kur qëndroje tek shkëmbinjtë. Fatura nuk bëhej fjalë fare të të sillnin. Më vjen keq që nuk i bëra dot foto plehrave të lokalit. Me to ishte mbushur pjesa e malit", – shkruan mesazhdërguesi.