Interi nuk arriti dot që të marrë hak ndaj Shalke 04 për humbjen 5-2 të vitit 2011 në Ligën e Kampionëve. Skuadra e Lucciano Spalletit nuk ka mundur që të shkojë më shumë se një barazim 1-1.
Zikaltrit u paraqitën me mungesa të shumta në formacionin bazë, teksa golat u shënuan në pjesën e dytë.
Fillimisht ishte skuadra gjermane që kaloi e para në avantazh në minutën e 59-të me Caligiuri, ndërkohë që Murillo barazoi shifrat në minutën e 73-të pas një goditje spektakolare me të majtën në hyrje të zonës.
