Në fshatin Dushk në Belsh, Elbasan, mëngjesin e sotëm ka ndodhur një ngjarje e paprecedentë. Një debitor i quajtur Bedri Muça ka qëlluar me çifte ndaj grupit të OSHEE pasi këta të fundit do i prinin dritat pasi, ai kishte 3 muaj pa i paguar.
Është mësuar se grupi i OSHEE ka kryer kallëzim penal ndaj subjektit.
Sipas informacioneve nga terreni, mësohet se abonenti Bedri Muça, me nr. kontrate 82941 kishte 3 muaj që nuk kishte paguar energjinë dhe për këtë ishte njoftuar më parë.
Në momentin që grupi i prerjeve të energjisë po kryente punën, abonenti Muça ka ofenduar e kërcënuar elektricistët, duke qëlluar me çifte në drejtim të tyre.
Grupi i OSHEE ka kryer kallëzim penal ndaj abonentit në fjalë dhe sakaq policia ka mbërritur në vendngjarje dhe ka shoqëruar autorin në polici.
