Me përfundimin e ndeshjeve të turit të parë kualifikues të Ligës së Europës u mësuan skuadrat që do ta vazhdojnë për të paktën dhe dy ndeshje aventurën e tyre ndërkombëtare.
Këto skuadra, në bazë të shortit të hedhur më datë 19 qershor, e dinë tashmë se cili do të jetë rivali i tyre i radhës, shkruan "Panorama Sport".
Skuadra të ndryshme nga gjithë Europa, mes të cilave dhe dy ekipet shqiptare, Skënderbeu dhe Shkëndija e Tetovës, do të kërkojnë të kualifikohen për në turin e tretë kualifikues me shpresën se shorti do t’u rezervojë një përballje ëndrrash me ndonjë prej emrave të mëdhenj që e fillojnë garën në këtë tur.
Milan, Zenit Shën Pjetërsburg, Atletik Bilbao, Fenerbahçe, PSV Eindhoven, Everton, Marsejë, Frajburgu i Abrashit, apo edhe Sioni i Tramexanit, janë disa nga ekipet që e fillojnë aventurën e tyre në Ligën e Europës në turin e tretë kualifikues. Nisur nga kjo, ka shumë shanse që një ekip të madh ta shohim në Shqipëri pas disa ditësh.
