Një video e publikuar pa lejen e saj në Instagram ka bërë që një vajzë e re në moshë të bier në depresion dhe të tentojë vetëvrasjen. 15-vjeçarja ka vënë re se videoja e saj është publikuar në Instagram nga një person me emrin Burim Ademi.
Pak kohë më parë vajza kishte bërë një video live në Instagram, duke biseduar me mikeshat e saj, ndërsa më vonë e pa atë të publikuar në formë parodie nga Burimi.
Tre ditë më parë 15-vjeçarja tentoi të vriste veten, duke qenë se i ishte shkelur privatësia. Gjithçka ka ndodhur në Ferizaj të Kosovës, ndërsa policia ka marrë në shqyrtim çështjen.
