“Po drejtorin e  burgjeve Fier, Etnor Krakullin, pse nuk e shkarkojnë për përfshirje në fushatë?”

Me krijimin e qeverisë teknike, ndryshe nga ç'pandehej për drejtësi dhe barazi, kanë ardhur veprime që veçse të barabarta nuk mund të quhen. Ministri i ri i Brendshëm, Gazment Bardhi, shkarkoi nga detyra drejtorin e burgjeve të qarkut Tropojë, Granit Kurmekaj, për veprën penale të përfshirjes në fushatën elektorale, mbështetës i PS. Dhe me të drejtë. Mirëpo pse nuk veprohet me të njëjtin standard edhe për drejtorin e burgjeve Fier Etnor Krakullin, i cili po del hapur në fushatë elektorale? Ndryshimi i vetëm këtu është që drejtori i burgjeve të Tropojës mbështeste Partinë Socialiste, ndërsa ky i Fierit mbështet LSI-në. Goxha ndryshim apo jo?!

Çfarë është ky favor ndaj LSI-së?! Ishte PD-ja ajo që kërkoi qeveri teknike dhe jo LSI-ja, por kot nuk thonë “qingji i butë i thith dy nëna”.

Një qytetar nga Fieri ka shkruar për JOQ:

Përshëndetje JOQ! Po ky Etnor Krakulli pse nuk shkarkohet apo është me LSI-në?! Drejtori i IEVP Tropojë u shkarkua ndërsa ky bën fushatë ashiqare për LSI-në në krah të Vasilit dhe nuk e lëviz kush. Mirë këtë, por këtu transferojnë edhe njerëz nga qyteti në qytet me pretekstin se nuk kemi teserën e LSI-së dhe në këta muaj Etonr Krakulli ka bërë shumë emërime të reja se i duhen njerëz për fushatë. Si s’mund të punojmë ndershmërisht në këtë vend dhe duhet t’na marrin për hundësh partitë politike, pa profesionalizmi në të sëmës të vejë...”, përfundoi qytetari.

Ky mesazh që vjen nga qyteti i Fierit me të vërtetë është lokal, por realisht përfaqëson gjithë Shqipërinë dhe realitetin që na rrethon. Etnor Krakulli mund të jetë një rast që bëhet publik, por pazaret e politikës gjithnjë janë të nëndheshme dhe populli rrallëherë i shikon megjithëse të gjithë e marrin me mend se çfarë zihet nga PS, LSI, PD, PDIU e kështu me radhë.