Bashkëshortja e Dr Florit del për herë të parë në publik, jep një mesazh për djalin e saj me Sindromën Down

Mbrëmjen e djeshme e ftuar në “Xing me Ermalin” ka qenë gruaja e të ndjerit Dr Flori, i cili ndërroi jetë 3 vite më parë.

Blerina Kondi nuk ishte vetëm, bashkë me të në studio ishte edhe djali i vogël i saj i cili është me Sindromën Down.

Në këtë studio Blerina tregoi se Sindroma Down në fakt nuk është një sëmundje dhe shpjegoi se edhe pse e mësoi qëkur e kishte në bark se do të ishte me Sindromën Down, as ajo dhe as Florit nuk i kishte shkuar në mendje që ta hiqnin.

Besojmë se çdo gjë që vjen nga perëndia është e bekuar dhe jemi falënderues për këtë… Është shumë i veçantë. Vendimi për ta mbajtur fëmijën u mor direkt, nuk është se kishim dyshime. Nuk morëm hapat e tjerë për të verifikuar nëse fëmija është me sindromë apo jo, sepse do e prisnim ashtu siç vinte”, tha Blerina.