“Vendi i shqiponjave” vret shqiponjat, kjo është masakra që po ndodh në jug

Mbrojtja e shpendëve dhe përgjithësisht e kafshëve që janë në rrezik zhdukjeje në vendin tonë është inekzistente. Kjo është shumë e dhimbshme dhe njëherazi e turpshme, vendi i shqiponjave që vret shqiponjat, çfarë paradoksi.

Auron Tare, një personazh i njohur në fushën e trashëgimisë kulturore, ka zbuluar një fakt të trishtë se si në jug të Shqipërisë janë vrarë në mënyrë barbare 6 shqiponja.

Komenti i plotë i Tares:

Kjo Shqiponjë fatkeqe ka rënë në leqet e ngritura nga barinjtë e zonës ne jug te Shqipërisë. Po sipas tyre 6 te tilla shqiponja janë helmuar nga barinjtë ketë dimër. Nuk mund ta pershkruaj revoltën qe me vjen për një vend qe nuk ruan dot këto shpendë krenare por edhe simbolin e flamurit te vet. Sa ironike dhe butaforike me duken ato thirrjet neper stadium: O sa mire me qene shqiptar. Shqiptar qe nuk ruan dot shqiponjat e veta”, përfundon hulumtuesi shqiptar.

Më shumë se për këtë shqiponjë të vrarë, kambanat e alarmit duhet të bien për çdo kafshë dhe shpend që ka një fund të tillë si pasojë e mosreagimit të organizatave për mbrojtjen e tyre. Mbrojtja nuk bëhet vetëm duke reaguar pasi ato vriten , por nis që me ndërgjegjësimin e qytetarëve për vlerat e tyre.