Moska është tronditur nga një ngjarje rëndë. Një grua, e cila mësohet se ishte dado, i ka prerë kokën një vajze 4-vjeçare dhe ka shëtitur me të në rrugë. E veshur me të zeza, gruaja kishte marrë në dorë kokën e fëmijës dhe thërriste “Allahu Ekber”.

Ngjarja ka ndodhur në Oktyabrskoye të Moskës, pranë një stacioni metroje në veriperëndim të kryeqytetit rus. Viktima është një vogëlushe e identifikuar si Nastya M, ndërsa gruaja që kreu këtë krim makabër është 38-vjeçarja Gyulchehra Bobokulova, nga Uzbekistani, e cila është arrestuar.

Ajo është parë nga njerëzit me kokën e gjakosur në dorë dhe që fliste për fundin e botës duke thënë se ishte terroriste.

Për policinë ruse mbeten ende të paqarta se çfarë e shtyu gruan të bënte këtë akt makabër duke vrarë të miturën, e cila i ishte besuar nga prindërit e saj, ndërsa ata kishin dalë nga shtëpia bashkë me djalin e tyre të madh.Gruaja ka vrarë fëmijën, ka marrë kokën e vajzës dhe më pas i ka vënë flakën banesës.