Pikat turistike si bregdeti, qytetet muze dhe historike, turizmi malor dhe jo vetëm, tani do të mund të shihen nëpërmjet internetit. Kjo gjë do të bëhet e mundur nga fotot e realizuara që Google do të bëjë, nëpërmjet projektit “Google street view”.

Shqipëria hyn pas 76 vendesh dhe 18 muajsh negociatash në aplikimin e këtij projekti i cili do të nise të aplikohet që nga data 29 Prill.

Dy makinat kanë mbërritur në portin e Durrësit dhe së shpejti pritet të fillojnë udhëtimin në Shqipëri për të fotografuar rrugët kryesore të vendit tonë.