Policia e Lezhës ka arrestuar ditën e sotme tre të rinj pasi kanë kundërshtuar forcat e policisë. Në pranga kanë rënë shtetasit Aleksandër Ndoci, Alberto Ndoci dhe Amarild Fizi pasi në bashkëpunim me njëri-tjetrin, kanë kundërshtuar me forcë punonjësit e Forcës “Shqiponja”, pasi kanë marrë masë administrative për pushimin e mjetit në rrugë, duke penguar lëvizjen e lirë të mjeteve të tjera. Pas kësaj ata janë urdhëruar që të lëvizin mjetin, por ata kanë kundërshtuar urdhrin e marrë dhe kanë tentuar ta kthejnë mjetin në sensin e kundërt të lëvizjes, duke rrezikuar punonjësit e Policisë dhe mjetet e tjera.
Njoftimi i policisë Lezhë:
Kundërshtuan me forcë punonjësit e Policisë, arrestohen në flagrancë 3 shtetas. Te arrestuarit jane: Aleksandër Ndoci, Alberto Ndoci dhe Amarild Fizi.
Specialistët për Hetimin e Krimeve në Komisariatin e Policisë Lezhë, nën drejtimin e Prokurorisë Lezhë, bënë arrestimin në flagrancë të shtetasve: A. N., 35 vjeç, A. N., 35 vjeç dhe A. F., 28 vjeç, banues në Lezhë. Këta shtetas, në bashkëpunim me njëri-tjetrin, kanë kundërshtuar me forcë punonjësit e Forcës “Shqiponja”, pasi kanë marrë masë administrative për pushimin e mjetit në rrugë, duke penguar lëvizjen e lirë të mjeteve të tjera. Punonjësit e Policisë i kanë dhënë urdhër për lëvizjen e mjetit, por këta tre shtetas kanë kundërshtuar dhe kanë tentuar ta kthejnë mjetin në sensin e kundërt të lëvizjes, duke rrezikuar punonjësit e Policisë dhe mjetet e tjera.
