Autobusët e “Barileva Turist” transportojnë serbët e Kosovës për të votuar në referendum

Shkruar nga: B Hasi | Publikuar më: 16.01.2022, 14:46

Mbrëmë u raportua se operatorë ekonomikë të Transportit nga Kosova do të angazhohen sot për transportin e serbëve të Kosovës në Serbi, për të votuar në referendum.

Njëri nga këta operatorë ekonomikë sipas Gazetës Sinjali është “Barileva Turist” që ka angazhuar 15 autobusë për të bërë transportin e serbëve të Kosovës.

Këto janë pamje nga pika kufitare në Merdar, ku shihen autobusët e kësaj kompanie teksa kanë marrë rrugën për Serbi. Marrëveshja për transportin e serbëve të Kosovës është arritur mes kompanive kosovare dhe zyrtarëve nga e ashtuquajtura Zyra për Kosovën në Qeverinë e Serbisë.

Por, për një gjë të tillë nuk e kanë as bazën e duhur ligjore.

Legjislacioni nuk lejon që operatorët që nuk kanë linjë të rregullt të bëjnë transportimin e udhëtarëve jashtë shtetit, andaj një veprim i tillë mund të ketë pasoja për operatorët që zgjedhin të bëjnë transportin e udhëtarëve pa leje paraprake nga ministria e Infrastrukturës.

Më të Lexuarat
Shkarkoni aplikacionin JOQ ALBANIA në platformat
Më të fundit