Shqiptari vjen me armë dhe 125 fishekë nga SHBA, kapet sa mbërrin në Rinas

Shkruar nga: A Shehaj | Publikuar më: 13.01.2022, 16:38

Policia kufitare në Rinas ka arrestuar ditën e sotme një 51-vjeçar pasi kishte një armë me vete. Në pranga ka rënē shtetasi Renato Hajmeli i cili po udhëtonte nga SHBA-të për në Shqipëri dhe gjatë kontrollit në valixhe i gjetën një armë dhe 125 fishekë.

NJOFTIMI I POLICISË:

Rinas

Policia Kufitare parandalon dhe godet një rast të tentativës për të futur armë zjarri në Shqipëri. Arrestohet në flagrancë 51-vjeçari që udhëtoi drejt vendit tonë, me armë zjarri pistoletë dhe municion luftarak me vete. Shërbimet e Policisë Kufitare të Rinasit, si rezultat i shtimit të kontrolleve, si në hyrje dhe në dalje, më qëllim kapjen e personave në kërkim dhe të atyre që mbajnë sende të kundërligjshme me vete, kanë kaluar për kontroll më të imtësishëm, valixhen e shtetasit R. H., i cili ishte nisur nga SHBA për në Shqipëri.

Shërbimet e Policisë, gjatë kontrollit në valixhen e këtij shtetasi, kanë gjetur dhe sekuestruar në cilësinë e provës materiale një armë zjarri pistoletë dhe 125 fishekë. Në vijim të veprimeve, nga specialistët për Hetimin e Krimeve në Komisariatin e Policisë Rinas u arrestua në flagrancë shtetasi R. H., 51 vjeç, banues në Tiranë. Materialet i kaluan Prokurorisë së Rrethit Gjyqësor Tiranë, për veprat penale “Trafikimi i armëve dhe i municionit” dhe “Armëmbatja pa leje”.

Më të Lexuarat
Shkarkoni aplikacionin JOQ ALBANIA në platformat
Më të fundit