Babai i një 28-vjeçari që vdiq pas një arresti kardiak ka ecur plot 29 milje (rreth 47 kilometra) në ditën e ditëlindjes së 29-të të djalit të tij. Adam Redfern, nga Long Eaton, Derbyshire, vdiq ndërsa vraponte. Babai i tij, Ian Redfern, 59 vjeç, filloi ecjen në orën 06:00 GMT dhe e përfundoi atë rreth orës 18:00 në Universitetin De Montfort (DMU), ku punonte djali i tij. Ai tha se shëtitja ishte për të rritur ndërgjegjësimin për rrezikun kardiak tek të rinjtë.
Redfern tha: "Ne po e bëjmë këtë tërësisht për shkak të Adamit dhe faktit që Adami humbi jetën në mënyrë kaq tragjike si pasojë e problemeve të pazbuluara të zemrës dhe arrestit të papritur kardiak kur ai po vraponte." Ai tha se do të ishte një ditë e vështirë për të dhe gruan e tij Christine, por në vend që të qëndronin në shtëpi, familja dhe miqtë e Adamit vendosën "të bëjnë diçka pozitive". "Ne menduam se mund të bëjmë diçka pozitive dhe ta ndajmë ditën me disa nga miqtë e Adamit," tha ai. "Është një shans për të ndarë kujtime me ta ndërsa ecim, por edhe për të përdorur rastin për të ngritur çështjet e rrezikut të zemrës tek të rinjtë."
Burimi: BBC | Përktheu dhe Përshtati: JOQ Albania
