Japonia ka krijuar minibusin e parë që mund të shndërrohet në tren në vetëm pak sekonda. Mjeti “Dual Model” funksionon si në rrugë ashtu dhe në shina. Po, mirë e lexuat.
Sipas mediave të huaja, mjeti “DMV” ka pamjen e një minibusi dhe funksionon me goma normale kur është në rrugë, ndërsa në shina “shndërrohet në tren”. Rrotat e çelikut zbresin nga pjesa e poshtme të mjetit duke e kthyer atë në mënyrë efektive në një vagon treni.
Drejtori i Përgjithshëm i kompanisë Asa Coast Railway tha se automjetet “DMV” mund të ndihmojnë qytetet e vogla si Kaiyo me një popullsi të “plakur” dhe në tkurrje, ku kompanitë lokale të transportit luftojnë për të bërë një fitim.
DMV mund të transportojë deri në 21 pasagjerë, ndërsa lëvizë me një shpejtësi prej 60 km/h në shina hekurudhore dhe deri në 100 km/h në rrugë.
Burimi: edition.cnn.com| Përktheu dhe përshtati: JOQ ALBANIA