Një grup hajdutësh kanë arritur të vjedhin një tjetër shitës të produkteve luksoze në Los Anxhelos të Premten e Zezë “Black Friday”. Dyqani Bottega Veneta në lagjen e modës tregtare Beverly Grove të LA u grabit nga një grup i madh që hyri në dyqan në orën 5:21 pasdite dhe mori mallra të shtrenjta përpara se një grabitës të spërkaste dikë me piper në fytyrë, raportoi Departamenti i Policisë së LA. Ndërsa në Home Depot tetë persona hynë në orën 19:55. dhe vodhën varëse, çelësa, kërcënuan klientët dhe më pas u larguan me 10 makina arratisjeje.
Departamenti i policisë së Qarkut të Los Anxhelosit tha se grabitja e Home Depot ishte veçanërisht shqetësuese sepse mjetet e vjedhura mund të përdoren për të grabitur më shumë dyqane në zonë. Hajdutët kishin përdorur disa çekiçë për të thyer xhamat e dyqaneve për të vjedhur bizhuteri dhe produkte të tjera të nivelit të lartë, si iPhone. Të dy incidentet e Home Depot dhe Bottega Veneta janë aktualisht nën hetim. Dyqani Bottega Veneta lëshoi gjithashtu një deklaratë duke thënë se do të kufizonte numrin e klientëve të lejuar brenda dyqanit të tij.
Burimi:dailymail. Përktheu dhe përshtati: JOQ ALBANIA