Një skandal i vërtetë është denoncuar në një nga shkollat 9-vjeçare të qytetit të Beratit, në shkollën “22 Tetori”. Prej disa ditësh në këtë shkollë ishte emëruar mësues për lëndët e “fizikës” dhe “informatikës” 62-vjeçari Ëngjëll Bregu, i cili ka qenë i dënuar më parë për pedofili dhe ngacmim seksual ndaj nxënësve. Megjithatë pas denoncimit, 62-vjeçari është pezulluar deri në sqarimin e plotë të fakteve.
Ishin prindërit e nxënësve që kërkuan menjëherë pezullimin e tij nga puna, për shkak të së kaluarës së tij. Në lidhje me këtë çështje ka shkruar në redaksinë tonë edhe një ish-nxënës i tij, i cili është kthyer shumë vite pas në kohë dhe ka risjellë atë që i ka ndodhur. Bëhet fjalë për vitin 2003 dhe sipas rrëfimit të ish-nxënësit, mësuesi kishte organizuar një ekskursion në Bogovë.
Pasi kishin përfunduar drekën në një lokal, ai i kishte çuar nxënësit që të ngjisnin disa shkallë dhe në ngjitje e sipër i kishte dhunuar fizikisht me pretekstin se ishin larguar nga pjesa tjetër e nxënësve. Për këtë arsye, ai i ka dënuar disa nga nxënësit duke i lënë aty dhe më pas ka vazhduar ngjitjen me pjesën tjetër. Pikërisht në këtë moment ka ndodhur edhe ngacmimi seksual ndaj vajzave.
Mesazhi i plotë ish-nxënësit: