Një aksident masiv është shënuar pak minuta më parë në autostradën Milot-Mamurras.
Në këtë aksident janë përfshirë disa automjete dhe si pasojë tre persona kanë mbetur të plagosur.
Dyshohet se njëra prej makinave të përfshira në aksident ishte e eskortës së ish-kryeministrit Sali Berisha, i cili mbajti foltoren pasditen e sotme në Milot.
Ende nuk dihen shkaqet e aksidentit, ndërkohë të plagosurit janë transportuar drejt spitalit.
Policia ka mbërritur në vendngjarje dhe ka nisur hetimet për zbardhjen e shkaqeve dhe rrethanave të aksidentit.
