Kur janë mbushur plot dy vite nga tërmeti i 26 nëntorit 2019, gjërat për familjen Murati në Shullaz të Kurbinit kanë mbetur po njëlloj dhe ende vijonë të jetojnë në çadër, pasi shtëpia u bë e pabanueshme nga lëkundjet e forta të tërmetit që la gjurmë dhe plagë të pashlyeshme për shumë familje shqiptare. "Është një vështirësi tepër e madhe. Kam kaluar dy dimra në çadër. Kam kaluar dhe stinën e verës dy herë. Jam me fëmijë të vegjël. Fëmijët i kam në shkollë. Kur temperatura është e lartë, i bëjnë detyrat nën hijen e pemës"- shprehet një anëtar i familjes Murati.
Deri më tani në Kurbin janë ndërtuar 524 apartamente, të financuar nga Turqia, por ende nuk ka përfunduar asnjë banesë individuale.
Shënim: Fotoja kryesore e lajmit është përdorur për ilustrim.
