Të vjedhësh përbën një vepër penale nga ana ligjore, por gjithashtu dhe moralisht një gjë e tillë është e ndaluar.
Ndonjëherë "karma" funksionon në ndihmë të moralit dhe ligjit.
I tillë është dhe rasti i mëposhtëm, ku dy hajdutë motoçikletash e kanë pësuar keq.
Një kalimtar i rastësishëm, i cili po shëtiste qenin e tij, u përball me hajdutët kur kuptoi se ata po lëviznin me një skuter të vjedhur.
Ai u përball me ta përpara se ata të të tentonin të arratiseshin dhe gjërat të përkeqësoheshin.
Një nga grabitësit tha se kishin vite që e përdornin motoçikletën, por dëshmitari pa që në të ishte një numër 21 që tregonte se mjeti ishte prodhim i këtij viti.
Dy të rinjtë, të cilët ishin pa helmetë mohuan vjedhjen e skuterit, por më pas ata u përpoqën të largoheshin me shpejtësi.
Teksa u përpoqën të largoheshin me skuterin e vjedhur ata humbën kontrollin dhe u përplasën me një makinë të parkuar.
Pas këtij incidenti, njëri prej grabitësve u ngrit, hipi në skuter dhe u largua me shpejtësi duke e lënë shokun e tij vetëm.
I braktisur nga shoku, i riu nisi të çalonte në rrugë duke u kërkuar njerëzve ndihmë që të telefonin një ambulancë pasi ishte lënduar te gishti. Por më pas ai u largua përpara se policia të mbërrinte në vendngjarje.
Ngjarja ka ndodhur në Mançester, ndërsa policia ka shpallur në kërkim dy të rinjtë.
Burimi: LADbible|Përktheu dhe Përshtati: JOQ Albania