Një i ri shqiptar është arrestuar nga karabinierët, pasi u kap me drogë dhe pasaportë vaksinimi në emrin e dikujt tjetër.
18-vjeçari, identiteti i të cilit nuk është bërë i ditur u ndalua pasi punonjësja e një treni me destinacion Romën ku po udhëtonte i riu, i gjeti një "Green Pass" me emër të ndryshëm nga ai i dokumentit të tij personal dhe lajmëroi policinë.
Pasi agjentët e policisë mbërritën gjatë ndalesës së trenit në stacionin e Chiavarit, i riu dukej tejet i shqetësuar, duke bërë që karabinierët të dyshonin dhe e detyruan të zbriste nga treni.
Gjatë kontrollit fizik të 18-vjeçarit, policia gjeti dhe sekuestroi 170 gram kokainë të cilën e kishte ndarë futur në dy mbështjellës celofani.
Ai u dërgua në paraburgimin e Genoa-s në pritje të seancës gjyqësore, ku do të jepet vendimi për të.
18-vjeçari akuzohet për "dhënie dëshmie të rreme ndaj një zyrtari publik" dhe "trafik të lëndëve narkotike".
Burimi: Liguria Notizie|Përktheu dhe Përshtati: JOQ Albania
