Familja shqiptare Jahi në Maqedoninë e Veriut është më e prekura nga tragjedia e rëndë në Bullgari ku humbën jetën 46 persona. Nga kjo familje kanë humbur jetën 8 anëtarë, përkatësisht nusja e njërit djalë bashkë me katër fëmijët e saj dhe nusja e djalit tjetër me dy fëmijë. Vetëm fëmija i tretë, djali i madh qendroi në shtëpi dhe nuk shkoi në udhëtimin tragjik të Stambollit. Ai është parë në gjendje mjaft të rëndë psikologjike pasi ka marrë vesh lajmin e rëndë.
Një fqinj i familjes Jahi ka treguar se dy djemtë e familjes kanë qenë në Bullgari dhe janë kthyer mbrëmjen e djeshme dhe mes lotësh dhe dhimbjeje mësohet të kenë thënë:O Zot si na i more! Fqinji ka treguar se viktimat nuk janë sjellë ende në atdhe dhe shtëpitë e tyre.
Por tragjedia thellohet edhe më tepër pasi bashkë me njërën nuse të familjes Jahi ka qenë edhe motra e saj Fikrije dhe vajza e saj Anisa Iseni, të cilat humbën jetën gjithashtu në aksident.
Viktimat nga familja Jahi
Belma Jahi – 7 vjeç
Ramiz Jahi – 20 vjeç
Razije Jahi – 12 vjeç
Ergin Jahi – 14 vjeç
Omer Jahi – 11 vjeç
Ajla Jahi – 14 vjeç
Senije Jahi – 35 vjeç
Amiet Jahi – 45 vjeç