Valentina Petroviq, Miss Internacional Serbia i ka çmendur serbët me foton e fundit ku ajo shfaqet duke bërë shqiponjën dy krenare me duar. Në një foto me Miss Shqipërinë, Kosovën dhe Malin e Zi përfaqësuesja serbe është fotografuar duke bërë shqiponjën dy-krenare dhe kaq ka mjaftuar që e gjithë Serbia t'i kundërvihet.
Kjo lëvizje e missit, shkaktoi një tronditje të madhe tek njerëzit të cilët panë me mosbesim përfaqësuesen serbe duke treguar simbolin e shqiptarëve. Duke dashur të justifikohet, miss-i ka postuar një deklaratë në Instagram ku kërkon mirëkuptimin e njerëzve për pamaturinë e saj në atë që ajo thotë se është një “situatë spontane”. Vesna de Vinç, përfaqësuesja zyrtare e Miss Serbia tha se ky gjest i missit është një zhgënjim i madh për të gjithë dhe se ajo do ndëshkohet së shpejti.