JOQ Albania
App Store
SHKARKO
Home
JOQ Albania

I kërkonte para shokëve për të mos i publikuar videot seksuale, Benzema del para gjykatës
Shkruar nga: V Gashi | Publikuar më: 20/10/2021 16:53

  • Share
  • Share
  • Share
  • Share

Seanca e parë e gjykimit për çështen e shantazhit seksual ndaj një futbollisti francez, ku është përfshirë edhe Karim Benzema me disa shokë u zhvillua sot në një gjykatë në Paris. Raportohet se viktima e shantazhit me video seksuale është ish kolegu i tij i kombëtares Matju Valbuena. 33-vjeçari Benzema akuzohet si bashkëpunëtor i një grupi që kërkonte para nga Valbuena në vitin 2015, një skandal që u kushtoi të dyve vendin në përfaqësuesen franceze e ku Benzema u rikthye këtë vit për europianin e futbollit.

Gjyqi do të analizojë rolin e Benzemasë, ndërsa nën akuzë janë dhe katër persona të tjerë për çështjen që nisi, ku Valbuena i dha telefonin e tij një personi në Marsejë për t’ia transferuar në një pajisje tjetër të dhënat që përmbante. Në telefon kishte video me përmbajtje seksuale, me të cilat më pas u kërcënua futbollisti se do t’ia publikonin nëse nuk u jepte para. Pas disa telefonatave Valbuena i denoncoi në polici, e cila pas një aksioni me agjentë të infiltruar dhe përgjime zbuloi lidhjet e shantazhuesve të cilat i çuan deri te Benzema.

Sulmuesi i Real Madrid, protagonist në disa përgjime të policisë pretendon se roli i tij në këtë histori ka qenë vetëm në rolin e ndihmësit të shokut për ta nxjerrë nga ajo situatë duke i ofruar këshilla se si mund t’i shpëtonte publikimit. Dënimi maksimal për këtë vepër penale në Francë është 5 vjet burg ose një gjobë 70 mijë euro.