JOQ Albania
App Store
SHKARKO
Home
JOQ Albania

Tmerrojnë talebanët: Do rikthejmë ndëshkimet e rënda dhe ekzekutimet!
Shkruar nga: N Hoxha | Publikuar më: 23/09/2021 23:57

  • Share
  • Share
  • Share
  • Share

Një nga themeluesit e lëvizjes së Talebanëve dhe zbatuesi kryesor i interpretimit të ashpër të ligjit islam kur ata sunduan për herë të fundit Afganistanin, tha se kjo lëvizje e linjës së ashpër do të kryejë sërish ekzekutime dhe gjymtime të duarve, edhe pse ndoshta jo në publik. Në një intervistë për agjencinë e lajmeve The Associated Press, Mullah Nooruddin Turabi minimizoi indinjatën për ekzekutimet e talebanëve në të kaluarën, të cilat ndonjëherë ndodhnin para turmave në një stadium, dhe paralajmëroi botën kundër ndërhyrjes tek sundimtarët e rinj të Afganistanit.

“Të gjithë na kritikuan për ndëshkimet në stadium, por ne kurrë nuk kemi thënë asgjë për ligjet e tyre dhe dënimet e tyre”, tha Turabi duke folur në Kabul për agjensinë The Associated Press. “Askush nuk do të na thotë se cilat duhet të jenë ligjet tona. Ne do të ndjekim Islamin dhe do t’i bëjmë ligjet tona bazuar tek Kurani”.

Që kur talebanët pushtuan Kabulin më 15 gusht dhe morën kontrollin e vendit, afganët dhe bota po shikojnë nëse do të krijojnë sërish sundimin e tyre të ashpër të fundit të viteve 1990. Komentet e Turabi vunë në dukje sesi udhëheqësit e grupit mbeten të ngulitur në një botëkuptim thellësisht konservator, të ashpër, edhe nëse ata po përqafojnë ndryshimet teknologjike, si videot dhe celularët. Turabi, tani në të 60-at e tij ka qenë ministër i Drejtësisë në ato vite. Po ashtu atë kohë bota denoncoi ndëshkimet e talebanëve, të cilat u bënë në stadiumin sportiv të Kabulit ose në bazën e xhamisë së madhe të Bajramit, të ndjekur shpesh nga qindra burra afganë.

Ekzekutimet e vrasësve të dënuar zakonisht bëheshin me një goditje të vetme në kokë, të kryer nga familja e viktimës, të cilët kishin mundësinë të pranonin "paratë e gjakut" dhe të lejonin fajtorin të jetonte. Për hajdutët e dënuar, dënimi ishte prerja e një dore. Atyre që dënoheshin për grabitje të udhëtarëve, iu pritej një dorë dhe një këmbë.

Burimi: apnews |Përktheu dhe Përshtati: JOQ Albania