Ditën e sotme u njoftua se policia ka arrestuar shtetasin Edevaldo Haxhiu pasi kishte ndihmuar bosin turk të kriptovalutave Faruk Fatih Ozer të fshihej nga drejtësia. Falë komunikimeve të shpeshta në telefon, u zbulua se Ozer ishte ndihmuar nga një shqiptar për t'iu fshehur autoriteteve. Hetimi kundër krimeve kibernetike zbuloi se në 9 raste Ozer foli në telefon me shqiptarë, menjëherë mbasi në datën 20 prill ai kaloi përmes aeroportit të Rinasit.
Sipas "TCH", Altin Canaj i cili është pyetur nga policia ka deklaruar se Haxhiu i kishte kërkuar të merrte një person me emrin Erkan.
Por kur i riu është takuar ditën e nesërme me të dhe e ka marrë vesh që ky person ishte Faruk Fatih Ozer ka fikur telefonin bashkë me numrin. Ndërsa, Edevaldo Haxhiu i cili është nipi i kreut të federatës së futbollit, Armando Duka ka pranuar se e ka pritur turkun e shumë kërkuar pasi e kishte porosi nga një person tjetër me emrin Murat , që nuk ja prezantoi me identitetin e vërtetë.
“Duke qenë se konsumoja alkool i thashë mikut tim ta priste” rrëfen i dyshuari . Të nesërmen kur u interesova pranë hotelit për Erkanin ata më thanë se ky shtetas quhej Faruk Ozer. Por prokuroria këmbëngul se në përgjimet e detajuara, të riut i shkroi një mik ku e paralajmëronte ” je tu marr veten në qafë për kokë të kalamajve”.