Autoritetet italiane kanë arrestuar së fundmi një 25-vjeçar shqiptar pasi u kap duke vjedhur në një supermarket në Livorno. Policia mori një telefonatë ku u lajmërua për vjedhjen që 25-vjeçari shqiptar me letra italiane po kryente bashkë me një 27-vjeçar afrikan. Të dy ishin përpjekur të vidhnin mallra nga supermarketi, duke mos pasur dokument identifikimi me vete, u çuan të dy në komisariat dhe u identifikuan. Hetimet zbuluan se 25-vjeçari banues në Livorno duhej të ishte nën arrest shtëpie me një byzylyk elektronik, siç ishte urdhëruar nga Gjykata e Livornos më 14/7/2021.
Por pasi morën alarmin nga pajisja elektronike e kontrollit, policia zbuloi se shqiptari kishte prerë byzylykun dhe kishte dalë. Sipas mediave italiane ai u denoncua për krimin e tentativës së vjedhjes dhe u shpall në arrest për krimin e evazionit.
Foto Ilustruese
